ԱՄՆ Արկանզաս նահանգում General Dynamics Ordnance and Tactical Systems ընկերության պաշտպանական ձեռնարկությունում պայթյուն է որոտացել: Միջադեպի հետևանքով վիրավորվել է առնվազն երկու մարդ, ևս մեկն այս պահին համարվում է անհետ կորած: Զենքի գործարանում պայթյունի պատճառները դեռ հայտնի չեն:

Ընկերությունը մասնագիտանում է հրետանային արկերի արտադրության մեջ, բազմիցս ստացել է միլիոնավոր դոլարների խոշոր պաշտպանական պայմանագրեր: Ամենայն հավանականությամբ, Ուկրաինայի զինված ուժերի համար ռազմական օգնության նոր փաթեթը ներառում է 155 մմ զինամթերք, որոնք պատրաստվել են հենց պայթած գործարանում: