Սա սարսափ պատմությունների նոր չափաբաժին է. Պեսկովը` Լիտվայից հնչող հայտարարությունների մասին

Ռուսաստանի Դաշնության նախագահի մամուլի քարտուղար Դմիտրի Պեսկովը «սարսափ պատմությունների» նոր չափաբաժին է որակել Լիտվայի կողմից հնչող այն պնդումները, թե Մոսկվան իբր հարձակումներ է նախապատրաստում ենթակառուցվածքների ուղղությամբ։

Լրագրողների հետ զրույցում ՌԴ նախագահի մամուլի քարտուղարն այսպես է պատասխանել Լիտվայի նախագահ Գիտանաս Նաուսեդայի այն հայտարարությունների վերաբերյալ հարցին, թե իբր Ռուսաստանի Դաշնության կողմից հարձակումներ են ծրագրվում լիտվական ենթակառուցվածքների վրա։

Պեսկովը մասնավորապես նշել է. «Գիտեք, սա հենց նման սարսափ պատմությունների նոր չափաբաժին է»։