Իվանիշվիլին 10,6 միլիոն դոլար է հատկացնում Վրաստանի ֆուտբոլի հավաքականին

Վրաստանի իշխող «Վրացական երազանք»-ը կուսակցության հիմնադիր միլիարդատեր Բիձինա Իվանիշվիլիի անունից շնորհավորել է երկրի ֆուտբոլի հավաքականին Եվրոպայի առաջնությունում Պորտուգալիայի ընտրանուն հաղթելու համար։

Նա հայտնել է, որ Իվանիշվիլիի բարեգործական հիմնադրամը 30 միլիոն լարի (10,6 միլիոն դոլար) պարգևավճար է հատկացնում թիմին։ Իվանիշվիլին ևս 30 միլիոն լարի է խոստացել 1/8 եզրափակիչում Իսպանիայի հավաքականին հաղթելու և հաջորդ փուլ դուրս գալու դեպքում։

Հիշեցնենք՝ նախօրեին Վրաստանի հավաքականը 2:0 հաշվով սենսացիոն հաղթանակի հասավ Ռոնալդուի գլխավորած Պորտուգալիայի հավաքականի հանդեպ ու 16 թիմերի կազմում կշարունակի պայքարը Եվրոպայի առաջնությունում։