Գերմանիայում ընթացող ֆուտբոլի Եվրո-2024-ում Լեհաստանի եւ Նիդերլանդների հավաքականները Համբուրգում անցկացրին խմբային փուլի առաջին տուրի հանդիպումը։ Թիմերն ընդգրկված են D խմբում։ 2:1 հաշվով կամային հաղթանակ տարավ Ռոնալդ Կումանի գլխավորած թիմը։

16-րդ րոպեին հանդիպման հաշիվը բացեց Լեհաստանի հավաքականի եւ թուրքական «Անթալիասպորի» հարձակվող Ադամ Բուկսան։

29-րդ րոպեին պատասխան գոլը խփեց անգլիական «Լիվերպուլի» հարձակվող Կոդի Գակպոն։

83-րդ րոպեին հոլանդացիների հաղթական գոլը խփեց գերմանական «Հոֆենհայմի» հարձակվող Վաուտ Վեգորստը։

D խմբի առաջին տուրի մյուս խաղում հունիսի 17-ին կմրցեն աշխարհի փոխչեմպիոն Ֆրանսիայի եւ Ավստրիայի հավաքականները։