Մանչեսթերում չեղարկել են ավիաչվերթներն էլեկտրաէներգիայի անջատման պատճառով

Անգլիայի հյուսիսում գտնվող Մանչեսթերի օդանավակայանում բոլոր չվերթները չեղարկվել կամ հետաձգվել են ավելի ուշ՝ էլեկտրաէներգիայի անջատման պատճառով:

«Մանչեսթերի օդանավակայանն այսօր առավոտյան բախվել է էլեկտրաէներգիայի զանգվածային անջատմանը։ Հարուցվել է քրեական գործ՝ խոշոր չափերով յուրացում կատարելու դեպքի առթիվ: Զգալի թվով չվերթներ, հատկապես առաջին եւ երկրորդ տերմինալներում, ինչպես սպասվում է, կհետաձգվեն կամ կչեղարկվեն», - ասված է օդանավակայանի մամուլի ծառայության հաղորդագրության մեջ: Ժամանող ինքնաթիռների մի մասը տեղափոխվել է այլ օդանավակայաններ։

Ավելի ուշ մամուլի ծառայությունում ճշտել են, որ «էլեկտրաէներգիայի մատակարարումը վերականգնվել է», օդանավակայանի ղեկավարությունը «աշխատում է, որպեսզի ուղեւորները հնարավորինս շուտ հայտնվեն իրենց չվերթներում»: Ինչպես հաղորդում է Sky News հեռուստաալիքը, խափանման հետևանքով տերմինալներում հերթեր են գոյացել: Ուղևորներին, ովքեր ըստ ժամանակացույցի պետք է մեկնեն օրվա երկրորդ կեսին, խորհուրդ է տրվում օդանավակայան չգալ մինչև հետագա ծանուցումը՝ լրացուցիչ հերթեր չստեղծելու համար: