Արտակարգ իրավիճակ՝ Առինջում. խմելու ջուրն անխնա հոսում ու ողողում է մի ամբողջ թաղամաս

Այսօր՝ հունիսի 19-ին, արտակագ իրավիճակ է ստեղծվել Կոտայքի մարզում: Առինջ վարչական շրջանի Խաչատուր Աբովյան թաղամասի 2-րդ փողոցում, ըստ բնակիչների, մի քանի օր է՝ խմելու ջրի խողովակի վնասվելու պատճառով փողոցը վերածվել է փոքրիկ Վենետիկի: Այս մասին հաղորդում է shamshyan.com-ը։

Ինչպես տեղից հայտնում է ֆոտոլրագրողը, ջուրը 30, որոշ հատվածներում էլ 40-50 սմ բարձրությամբ հոսու մ է, իսկ «Վեոլիա ջուրը» միչև այս պահը ոչ մի աշխատանք չի կատարում խնդիրը լուծելու համար:

Ըստ բնակիչների՝ փողոցը ողոված է խմելու ջրով, մինչդեռ աշխարհը պայքարում է խմելու ջրի խնայողությունը պահելու համար, բայց մեզ մոտ՝ շնորհիվ «Վեոլիա ջրի» ոչ ճիշտ ու գրագետ աշխատանքի, խմելու ջուրը կորում է:

Ֆոտոլրագրողի հետ զրույցում բնակիչներն ասում էին, որ իրենց զանգերին արձագանքել է միայն Աբովյան խոշորացված համայնքի ղեկավար էդվարդ Բաբայանը, ում հանձնարարականով ժամանել ու իրավիճակին տեղում ծանոթացել է Առինջի վարչական ղեկավարը, ով խոստացել է, որ խնդրի մասին կտեղեկացնի «Վեոլիա ջրին» և քաղաքապետի հանձնարարականով հետևողական կլինի, որ «Վեոլիա ջուրը» շատ արագ վթարը վերականգնի: