Ավելի քան 1500 անօրինական միգրանտ կվտարվի ՌԴ-ից

Իրավապահ մարմինների աշխատակիցները Մոսկվայի մարզում մեկշաբաթյա ռեյդի շրջանակներում կասեցրել են միգրացիայի ոլորտում ավելի քան 5300 իրավախախտում, ավելի քան 1500 օտարերկրացի կվտարվի ՌԴ-ից: Այս մասին հաղորդել է Ռուսաստանի ներքին գործերի նախարարության Մոսկվայի մարզի գլխավոր վարչության մամուլի ծառայությունը, հայտնում է «Ինտերֆաքս» գործակալությունը։

«Գործողության արդյունքում միգրացիոն ոլորտում կանխարգելվել է 5348 վարչական իրավախախտում: Դատական ​​մարմիններն ավելի քան 1500 որոշում են կայացրել ՌԴ-ի սահմաններից օտարերկրյա քաղաքացիների վարչական վտարման վերաբերյալ», - ասվում է հայտարարության մեջ։ 

Ոստիկանության տվյալներով՝ «Անօրինական – 2024» օպերատիվ-կանխարգելիչ գործողության առաջին փուլը Մոսկվայի մարզում անցկացվել է հունիսի 3-ից մինչև հունիսի 9-ը։ Այս ժամանակաշրջանում Ռուսաստանում գտնվելու ռեժիմը խախտելու համար ոստիկանները կազմել են ավելի քան 3200 վարչական արձանագրություն, ևս 800-ից ավելի արձանագրություն կազմվել է աշխատանքային գործունեության անօրինական իրականացման համար։

Հաղորդվում է, որ գործատուների նկատմամբ կազմվել է ավելի քան 500 վարչական արձանագրություն՝ օտարերկրյա քաղաքացիներին ապօրինի աշխատանքի ընդունելու համար: Ինչպես նաև 23 քրեական գործ է հարուցվել թմրամիջոցների ապօրինի շրջանառության և ևս 19 գործ` օտարերկրյա քաղաքացիների կողմից կատարված այլ հանցագործությունների համար։