Նովակ Ջոկովիչը կվիրահատվի

Աշխարհի առաջին ռակետ Նովակ Ջոկովիչը կվիրահատվի։ Այս մասին հաղորդում է ֆրանսիական L'Equipe-ը։

Ֆրանսիայի բաց առաջնության 1/8 եզրափակիչում ծնկի վնասվածք ստացած 37-ամյա սերբ թենիսիստը կենթարկվի մենիսկի վիրահատության։ Վերականգնման համար կպահանջվի առնվազն երեք շաբաթ։

Քիչ հավանական է Ջոկովիչի մասնակցությունը հուլիսի 1-ին մեկնարկելիք Ուիմբլդոնի մրցաշարին:

«Մեծ սաղավարտի» մրցաշարերի 24-ակի նա կհասցնի վերականգնվել մինչեւ Փարիզի Օլիմպիական խաղերը, որը կմեկնարկի հուլիսի 26-ին:

Հաջորդ շաբաթ Ջոկովիչը Պրոֆեսիոնալ թենիսիստների ասոցիացիայի դասակարգման աղյուսակում կնահանջի երկրորդ տեղ։ Աշխարհի առաջին ռակետ կդառնա իտալացի Յանիկ Սիները։