ՏԵՍԱՆՅՈՒԹ․ Իսրայելական տանկերը՝ Ռաֆահ քաղաքի կենտրոնում են. Reuters
Իսրայելի բանակի տանկերը և զրահամեքենաները հասել են Գազայի շրջանի հարավում տեղակայված Ռաֆահ քաղաքի կենտրոնական հատված։ Այս մասին հայտնում է Reuters գործակալությունը՝ վկայակոչելով ականատեսներին։
Ըստ աղբյուրի՝ Ռաֆահի կենտրոնական Ալ-Աուդա մզկիթի մոտ նկատվել են տանկեր և զրահամեքենաներ՝ զինված գնդացիրներով։ Համացանցում հրապարակվել են նաև տեսանյութեր։
Իսրայելական զինվորականները հայտարարել են, որ իրենց ուժերը շարունակում են գործել Ռաֆահի շրջանում՝ չմեկնաբանելով քաղաքի կենտրոն հաղորդվող առաջխաղացումը:
