ԱՄՆ պետդեպը հավանություն է տվել HIMARS-ների վաճառքին Ուկրաինային

ԱՄՆ Պետդեպարտամենտը հաստատել է Ուկրաինային HIMARS-ի երեք կայանքների շտապ վաճառքը։ Մոտ 30 միլիոն դոլար արժողությամբ գործարքը կֆինանսավորվի Գերմանիայի կառավարության կողմից։ Պետքարտուղար Էնթոնի Բլինքենը ռազմաճակատում տիրող իրավիճակն անվանել է «արտակարգ և անհետաձգելի, որը պահանջում է անհրաժեշտ սպառազինության անհապաղ մատակարարում Ուկրաինային»: Համակարգերը մատակարարվելու են ամերիկյան բանակի պաշարներից։

Ավելի վաղ ԱՄՆ - ն պաշտոնապես հաստատել էր Ուկրաինային 400 մլն դոլարի ռազմական օգնության հերթական փաթեթի հատկացումը: Դրա մեջ կմտնեն Patriot եւ Stinger զենիթահրթիռային համալիրներ, Bradley եւ MRAP զրահափոխադրիչներ, Javelin համակարգեր եւ այլ սպառազինություններ։ Այս մասին հայտնել Է Սպիտակ տունը։

Politico պարբերականը նշել է, որ փաթեթում կլինեն զենք, որն արդեն առկա է ամերիկյան պահեստներում, այդ թվում՝ Patriot ԶՀՀ-ների համար նոր հրթիռներ, Stinger զենիթային հրթիռներ, Bradley մարտական մեքենաներ և այլ սպառազինություններ: