Հրթիռակոծության հետևանքները՝ Խարկովում և Դնեպրում

Մայիսի լույս 5-ի գիշերը  անօդաչու թռչող սարքերով հարվածներ են հասցվել Ուկրաինայի մի շարք շրջանների:

BBC-ի հաղորդմամբ` Զատկի գիշերը Խարկովի Ստովսյանսկի շրջանում երեք մասնավոր տուն է հրդեհվել ռուսական «Շահեդների» հարվածի հետևանքով: Այս մասին հայտնել է քաղաքի քաղաքապետ Իգոր Տերեխովը:

«Շահեդներով» հարվածից հետո ենթակառուցվածքային օբյեկտների հրդեհների և վնասների մասին հայտնում են նաև Դնեպրոպետրովսկի շրջանի իշխանությունները:

Մարզային ռազմական վարչակազմի տեղեկատվության համաձայն ՝ Դնեպրում մի քանի հրդեհ է բռնկվել, վնասվել է բարձրահարկ շենքը։ Սլոբոժանսկայա ավանային համայնքում վնասվել է երկու ավտոմեքենա և խանութ։

Հաղորդվում է նաև Նիկոպոլի ուղղությամբ հարվածների մասին։

«Քաղաքում վնասվել է երկու ձեռնարկություն, ռեկրեացիոն օբյեկտ և առանձնատուն։ Բարեբախտաբար, զոհեր և վիրավորներ չկան», - հայտարարում են ուկրաինական իշխանությունները։