ԷՔՍԿԼՈՒԶԻՎ ՏԵՍԱՆՅՈՒԹ. Բոլոր կողմերի տեսակետը՝ Մասիսի N4 դպրոցի ուսուցչուհու սկանդալային տեսանյութի հետ կապված
Համացանցում, հայկական մամուլում լուրեր տարածվեցին, որ «Մասիս քաղաքի թիվ 4 դպրոցի հայոց լեզվի և գրականության ուսուցչուհի Արև Վրացյանն ընդգծված վատ վերաբերմունք է դրսևորում դպրոցում երեխաների հանդեպ։
Ապրիլի 25-ին Mediahub կայքը սկանդալային տեսանյութ էր հրապարակել, որն արտատպվել էր մի շարք կայքերում։ Նույն օրը Auroranews-ը կապ էր հաստատել ԿԳՄՍ նախարարության հետ, որտեղից մեզ փոխանցել էին․ աշխատանքային օրը վերջանում է, ապրիլի 26-ին ձեր բոլոր հարցերին կտրվեն պատասխաններ։
Արդեն ապրիլի 26-ին խոսեցինք և՛ դպրոցի տնօրենի, և՛ մարզային վարչության պետի, ինչպես նաեւ ուսուցչուհու հետ։ Քանի որ մեր զրուցակիցները տեղեկացված են եղել որ զրույցը ձայնագրվում է, դրանք հրապարակում ենք ամբողջական՝ առանց մոնտաժի։
Մինչ պատրաստում էինք ռեպորտաժը, տեղեկություն ստացվեց, որ դպրոցի տնօրեն Նարինե Բարսեղյանի հրամանով Արեւ Վրացյանն ազատվել է աշխատանքից։
Auroranews-ը նաեւ խոսել է ՔԿ-ի հետ, քանի որ դպորցի տնօրենը մեզ հետ զրույցում նշել էր երեխաներին հարվածելու մասին։ ՔԿ-ից մեզ հայտնեցին, որ նախաձեռնվել է քրեական վարույթ ՔՕ-ի 195-րդ հոդվածի 2-րդ մասի 4-րդ կետի հատկանիշիներով, այն է՝ անչափահասի նկատմամբ ֆիզիկական ներգործություն, քննություն է իրականացվում, հանգամանքներն են պարզվում, քրեական հետապնդման ենթարկվող անձինք չկան։
