Թուրքիայում այսօր և վաղը ռեստորանների եւ սրճարանների դեմ բոյկոտ է հայտարարված
Թուրքիայում սննդի ոլորտում գների բարձրացման պատճառով երկրի բնակիչները բոյկոտել են սրճարաններն ու ռեստորանները: Սոցիալական ցանցերի օգտատերերը միավորվել են եւ որոշել են հանգստյան օրերին (ապրիլի 20-21) դադարեցնել այցելությունները հաստատություններ, հաղորդում է Sabah-ը:
Ընդգծվում է, որ Optimar կենտրոնի տվյալներով՝ հարցվածների ավելի քան 60 տոկոսը Թուրքիայում տնտեսական իրավիճակը եւ սիրիացի փախստականներին համարում են առանցքային խնդիրներ: Հրապարակման մեջ ասվում է, որ քաղաքացիները սկսել են սոցցանցերում կիսվել իրենց վճարած հաշիվների կտրոններով։ Նրանք հանդես են գալիս հանրային սննդի ոլորտում վերահսկողության բացակայության խնդրի հրատապ լուծման օգտին։ Ինչպես նշվում է, չափաբաժինների չափի կրճատումը չի նպաստել գների անկմանը։
Ավելի վաղ Թուրքիայի Կենտրոնական բանկի ղեկավար Ֆաթիհ Կարահանը հայտարարել էր, որ Թուրքիայում գնաճը, ինչպես նախատեսվում է, 2024 թվականի արդյունքներով կկազմի 36 տոկոս։ Նա մատնանշեց իրականացվող կոշտ դրամավարկային քաղաքականությունը պահպանելու ծրագրերը, քանի դեռ ցուցանիշները չեն նվազել:
