«Ռոմայի» պաշտպանը խաղի ժամանակ վայր է ընկել, նրան տեղափոխել են պատգարակով
Ուդինեի «Դաչիա Արենա» մարզադաշտում այսօր երեկոյան «Ռոմա»-«Ուդինեզե» հանդիպման երկրորդ խաղակեսում միջադեպ է գրանցվել։
Ինչպես հայտնում է Romapress.net-ը, խաղի 72-րդ րոպեին «Ռոմայի» կենտրոնական պաշտպան Էվան Նդիցկան վայր է ընկել խաղադաշտում, ինչից հետո նրան տեղափոխել են պատգարակով։
DAZN-ի փոխանցմամբ՝ խաղացողը գիտակցության մեջ է եղել։
Sport.ru-ի փոխանցմամբ` ֆուտբոլիստի մոտ կասկածվում է սրտի կաթված։
Նշվում է, որ որոշում է կայացվել խաղը անորոշ ժամանակով հետաձգել, սակայն այն կվերսկսվի 1-1 հաշվից, որն առկա էր մինչ միջադեպը:
