ՀԱՄԱՍ–ը Նեթանյահուին մեղադրում է հրադադարը խոչընդոտելու մեջ
ՀԱՄԱՍ-ի ավագ առաջնորդ Ուսամա Համդանը կարծում է, որ Գազայի հատվածում հրադադարի շուրջ բանակցություններում առաջընթաց չկա՝ Իսրայելի վարչապետ Բենիամին Նեթանյահուի կողմից ստեղծված խոչընդոտների պատճառով, հինգշաբթի հաղորդում է The Times of Israel-ը:
«Օկուպացիոն կառավարությունը դեռ խուսափում է համաձայնագրեր կնքելուց, բանակցություններն առաջ չեն գնում», - ասել է Համդանը մամուլի ասուլիսի ժամանակ։
Նա ասել է, որ ՀԱՄԱՍ-ը ճկուն է բանակցություններում, սակայն Նեթանյահուն առաջ է քաշում պահանջներ, որոնց պատճառով կողմերը չեն կարողանում համաձայնության գալ։ Նա նաև մեղադրել է վարչապետին Գազայի հատվածում պահվող իսրայելցի պատանդների ազատ արձակմամբ «չհետաքրքրված լինելու» մեջ։
Մինչդեռ անկլավում մարտերը շարունակվել են ։ Գազայի հատվածից երեք հրթիռ է արձակվել Կիբուց Քֆար Ազահի ուղղությամբ։ Իսրայելի պաշտպանության բանակը (IDF) հայտնել է, որ նրանք բոլորն ընկել են բաց տարածքում, և ոչ ոք չի տուժել:
