Ղազախստանից Թաթարստանի ուղղությամբ ԱԹՍ–ներ չեն արձակվել. Ղազախստանի ՊՆ

Աստանան հերքել է Թաթարստանի ուղղությամբ Ղազախստանից անօդաչու թռչող սարքերի արձակման մասին ռուսական լրատվամիջոցների տեղեկությունները: Ղազախստանի պաշտպանության նախարարությունում Պետդումայի պատգամավոր Գուրուլևի ենթադրությունները իրականությանը չհամապատասխանող են անվանել։ 

«Telegram–ի որոշ ալիքներով տարածված տեղեկությունն այն մասին, որ անօդաչու թռչող սարքերը, որոնք իբր Ղազախստանի տարածքից արձակվել են Թաթարստանի Հանրապետության օբյեկտների ուղղությամբ, չի համապատասխանում իրականությանը», - ասվում է Ղազախստանի պաշտպանության նախարարության հաղորդագրության մեջ։

Գերատեսչությունը նշել է, որ «նման ակնարկները նպատակ ունեն վարկաբեկել» Ղազախստանը։