ՏԵՍԱՆՅՈՒԹ. «Անմեղ մարդու աղոթք». Փաշինյանը Սուրբ Զատիկը շնորհավորել է սաղմոսով

Նիկոլ Փաշինյանը Սուրբ Զատիկը կրկին շնորհավորել է սաղմոսով․

«Սաղմոս համար 25՝ «Անմեղ մարդու աղոթք» դատ արա ինձ Տեր, քանզի անբասիր ընթացա, հույսս դրի Տիրոջ վրա, որ չլինեմ տկար։ Փորձիր ինձ Տեր և քննիր ինձ, փորձիր երիկամներս և սիրտս։ Ողորմությունդ Տեր, աչքիս առջև է և ճշմարտությունդ հաճելի է ինձ։ Ունայնամիտների աթոռին ես չեմ նստի և անօրենների մոտ ես չեմ գնա։ Չարագործների ամբողխը ես ատեցի և ամբարիշտների կողքը չեմ բազմի։

Սրբությամբ կլվամ ձեռքերն իմ և սեղանիդ շուրջ կնստեմ Տեր։ Մի կործանիր ինձ ամբարիշտների հետ և ոչ էլ կյանքս արյունահեղների հետ, որոնց ձեռքերն անօրինության մեջ են և աջը լի է նրանց կաշառքով»։