ՏԵՍԱՆՅՈՒԹ․ «Հեռախոսները դրեք փակ արկղում»․ Պապիկյանը, Ղազարյանն ու Աբազյանն ԱԺ-ում փակ նիստի է
Հայաստանի ԱԺ պաշտպանության եւ անվտանգության հարցերի մշտական հանձնաժողովը նիստ է հրավիրել: Օրակարգում ՀՀ կառավարության ծրագրի (2021-2026 թթ.) 2023 թվականի կատարման ընթացքի եւ արդյունքների մասին զեկույցի քննարկումն է:
Նիստին մասնակցում են պաշտպանության նախարար Սուրեն Պապիկյանը, ԱԱԾ տնօրեն Արմեն Աբազյանն ու ՆԳ նախարար Վահե Ղազարյանը:
ՀՀ ՊՆ նախարար Սուրեն Պապիկյանը ԱԺ Պաշտպանության և անվտանգության հարցերի հանձնաժողովի նիստին բյուջեի կատարողականի քննարկմանը ներկայացրեց 2023թ. թվով 5 ծրագրերի համար ՀՀ ՊՆ-ին բյուջեից հատկացվել է 517,28 մլրդ դրամ, որը տարվա ընթացքում 9,19 մլրդ դրամով ավելացել է և կազմել 526, 47 մլրդ դրամ։
Ըստ նրա՝ կատարողականը կազմել է 99, 8 տոկոս։
«Կառավարության 2021-2026թթ.-ի գործունեության ծրագրի կատարումն ապահովող միջոցառումների ՊՆ բաժնի ցանկը կազմված է 14 նպատակից, որոնք ներառում են 37 միջոցառումներ։ Դրանք հիմնականում կատարվել են նախատեսված ծավալներով և ժամկետներում»,-ասաց ՊՆ նախարարը։
Նիստը որոշվեց փակ ռեժիմով շարունակել․ հնարավոր է՝ խիստ գաղտնի հարցեր լինեն։
