ՏԵՍԱՆՅՈՒԹ․ Սամսոնյանից հետո ձերբակալվեց նաև Վազգեն Սաղաթելյանը
AntiFake.am–ի տեղեկություններով՝ րոպեներ առաջ ձերբակալել են նաև «Իմնեմնիմի» փոդքասթի համահեղինակ Վազգեն Սաղաթելյանին։ Վազգեն Սաղաթելյանին տարել են իր բնակարանից։
Հիշեցնենք, որ այսօր ավելի վաղ ձերբակալվել էր նաև Նարեկ Սամսոնյանը։ Նա և Սաղաթելյանը համատեղ համացանցային հաղորդաշար են վարում։
Փաստաբան Ռուբեն Մելիքյանը հայտնել էր, որ Սամսոնյանին ձերբակալել են հենց այդ հաղորդումը փակելու նպատակով։
Քննչական կոմիտեից հայտնել էին, որ Սամսոնյանին ձերբակալել էին ՀՀ քննչական կոմիտեում ՀՀ քրեական օրենսգրքի 297-րդ հոդվածի 2-րդ մասի 1-ին և 3-րդ կետերի հատկանիշներով քննվող քրեական վարույթի շրջանակներում։ Նշենք, որ այդ Քրեական օրենսգրքի այդ հոդվածը վերաբերվում է խուլիգանությանը: Հոդվածի 2 մասի առաջին և երրորդ կետերը վերաբերում են խուլիգանությանը, որը կատարվել է մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով:
Տեսանյութը՝ Լիկա Թումանյանի ֆեյսբուքյան էջից։
