2025-ին արհեստական բանականությունը ցանկացած մարդուց ավելի խելացի կլինի. Մասկ
Ամերիկացի ձեռներեց, միլիարդատեր Իլոն Մասկը կարծում է, որ 2025 թվականին արհեստական բանականությունը (ԱԲ) ավելի խելացի կլինի, քան ցանկացած անհատ, իսկ մինչև 2029 թվականը կգերազանցի բոլոր մարդկանց միասին վերցրած։ Այս մասին գրում է economictimes.com-ը:
«Հաջորդ տարի արհեստական բանականությունը, ամենայն հավանականությամբ, ավելի խելացի կլինի, քան ցանկացած առանձին մարդ: Մինչև 2029 թվականն արհեստական բանականությունը, հավանաբար, ավելի խելացի կլինի, քան բոլոր մարդիկ միասին վերցրած», - մեկնաբանել է Մասկը ամերիկացի գյուտարար և ֆուտուրիստ Ռայմոնդ Կուրցվեյլի խոսքերն այն մասին, որ արհեստական բանականությունը մինչև 2029 թվականը կհասնի մարդկային բանականության մակարդակին։
Նախկինում Մասկը հայտարարել էր, որ արհեստական բանականությունը կարող է վտանգ ներկայացնել մարդկության համար, սակայն տեխնոլոգիաների զարգացմանը մեծ ուշադրությունը կօգնի նվազագույնի հասցնել հավանական բացասական հետևանքները։
