Ֆրանսիան առաջիկա շաբաթների ընթացքում Ուկրաինային կփոխանցի 150 անօդաչու թռչող սարք (ԱԹՍ) և վեց «Կեսար» հաուբից։ Այս մասին մարտի 12-ին խորհրդարանի ստորին պալատում հայտարարել է հանրապետության վարչապետ Գաբրիել Աթալը։

«Մենք կշարունակենք այդ մատակարարումները, որոնք անհրաժեշտ են Ուկրաինային։ Մենք բեկումնային փուլում ենք այս հակամարտության մեջ»,- ասել է նա Ազգային ժողովում տեղի ունեցած բանավեճի ժամանակ:

Ֆրանսիան նաև կհովանավորի ևս 12 «Կեսար» հաուբիցների առաքումը, կմատակարարի մոտ 600 AASM կառավարվող ռումբ և մոտ 40 SCALP հրթիռ։

Աթալը նաև նշել է, որ Ֆրանսիան Ուկրաինայի համար ամսական կարտադրի մինչեւ 3 հազար հրանոթ և կմասնակցի Չեխիայի առաջարկած զինամթերքի գնմանը։