ԱՄՆ-ը հայտարարել է, որ չի պատրաստվում զորք ուղարկել Ուկրաինա

ԱՄՆ-ը չի ծրագրում ամերիկյան զորքեր ուղարկել Ուկրաինա, հայտարարել է ԱՄՆ ղեկավարի ազգային անվտանգության հարցերով խորհրդական Ջեյք Սալիվանը։

«Միացյալ Նահանգները զորքեր չի ունենա Ուկրաինայում: Մենք մտադիր չենք և չենք ծրագրում դա անել», – ասել է նա լրագրողների հետ ճեպազրույցում:

Ավելի վաղ ՆԱՏՕ-ի գլխավոր քարտուղար Յենս Ստոլտենբերգը հայտարարել էր, որ դաշինքը չի նախատեսում զորքեր ուղարկել Ուկրաինա և Ֆրանսիայի նախագահ Էմանուել Մակրոնին խորհուրդ է տվել խորհրդակցել ՆԱՏՕ-ի և նրա անդամների հետ կարևոր հարցերի շուրջ։