Կարիբյան ավազանում գտնվող Հայիթիում ավազակախմբերը հարձակվել են մայրաքաղաք Պորտ-օ-Պրենսի նախագահական պալատի վրա։

Այս մասին հայտնում է ABC News-ը։

Ըստ իրավապահ մարմինների աղբյուրի, մարտի 8-ին տեղի ավազակախմբերը կենտրոնական Պորտ-օ-Պրենսում և շրջակայքում լայնածավալ հարձակում են գործել մի քանի կառավարական շենքերի վրա:

Բացի այդ,  նրանք հարձակվել են ՆԳՆ շենքի և ոստիկանության բաժանմունքի վրա։ Քաղաքում հնչել են կրակոցների և պայթյունների ձայներ։

Մարտի 5-ին Հայիթիի մայրաքաղաքում զինված խմբավորումները փորձել են գրավել երկրի գլխավոր միջազգային օդանավակայանը։ Նախորդ շաբաթ Հայիթիի իշխանությունները որոշել էին Պորտ-օ-Պրենսում երեք օրով սահմանել արտակարգ դրություն և պարետային ժամ՝ զինված ավազակախմբերի և ոստիկանության միջև առճակատման պատճառով։