Իսրայելի պաշտպանության բանակի (ՑԱԽԱԼ) ռազմական գործողության արդյունքում տուժած Գազայի հատվածի վերականգնումը կպահանջի ավելի քան 90 մլրդ դոլար: Նման կարծիք է հայտնել Եգիպտոսի նախագահ Աբդել Ֆաթթահ աս-Սիսին։ Նրա խոսքը մեջբերում Է ՏԱՍՍ-ը։

«Հատվածի վերականգնման համար անհրաժեշտ կլինի ծախսել ավելի քան 90 մլրդ դոլար», - հայտարարել Է Եգիպտոսի ղեկավարը:

Նա նշել է, որ Գազայի հատվածն այժմ ականատես է մեծ ողբերգության, որին զոհ են գնացել հազարավոր մարդիկ:

Մարտի 4-ին հաղորդվել էր, որ Պարսից ծոցի արաբական պետությունների համագործակցության խորհրդի երկրների ղեկավարները պատրաստ են լրացուցիչ ավելի քան 1,6 մլրդ դոլար ուղղել Գազայի հատվածի վերականգնմանը:

Մարտի 7-ին ԱՄՆ նախագահ Ջո Բայդենը Կոնգրեսին հղած ուղերձում հայտարարել էր անկլավի տարածքում նավահանգիստ ստեղծելու մասին՝ ծովով մարդասիրական օգնություն մատակարարելու համար: Դրանից հետո Եվրահանձնաժողովի ղեկավար Ուրսուլա ֆոն դեր Լեյենը հաստատել է, որ ԵՄ-ն, ԱՄՆ-ն ու ԱՄԷ-ն պայմանավորվել են ծովային միջանցքի բացման շուրջ: Ենթադրվում է, որ երթուղին հասանելի կլինի մարտի 10-ին։