Կուլեբան կոչով դիմել է երկիրը լքած ուկրաինացիներին
Արտաքին գործերի նախարար Դմիտրի Կուլեբան The Irish Times-ին տված հարցազրույցում դիմել է ուկրաինացիներին, որոնք լքել են Ուկրաինան Ռուսաստանի լայնածավալ ներխուժման ժամանակ, և կոչ է արել նրանց «մտածել տուն վերադառնալու մասին»:
«Մենք հարգում ենք յուրաքանչյուր մարդու անհատական ընտրությունը, բայց նաեւ կոչ ենք անում բոլոր ուկրաինացիներին, որոնք երկիրը լքել են լայնամասշտաբ ներխուժման սկզբից, դիտարկել տուն վերադառնալու տարբերակը», – ասել է Կուլեբան:
Նա նշել է, որ որոշ մարդիկ «կարող են նման ընտրություն չունենալ» առողջության կամ այլ անձնական խնդիրների պատճառով: Բայց նրանք, ովքեր ընտրություն ունեն, կարող են վերադառնալ և օգնել Ուկրաինային պայքարել և գոյատևել իրենց անմիջական անձնական ներդրմամբ, ասել է նախարարը:
