Հուսանք՝ հնարավոր կլինի առաջընթաց արձանագրել․ Փաշինյանը՝ ԱԳ նախարարների հանդիպման մասին

Աթենքում Հունաստանի վարչապետի հետ համատեղ հայտարարության շրջանակում ասաց ՀՀ վարչապետ Նիկոլ Փաշինյանը՝ նշելով, որ Կիրիակոս Միցոտակիսի հետ քննարկվել է նաև էթնիկ զտումների հետևանքով ԼՂ-ից տեղահանվածների հումանիտար կարիքների բավարարման հարցը, ասել է․

«Մենք այժմ երկարաժամկետ ծրագրերի մասին որոշումներ կայացնելու փուլում ենք: Նաև կարևոր է, որ եթե մեր հայրենակիցները ԼՂ վերադառնալու իրատեսական հնարավորություն չունենան, մեր քաղաքականությունն է ամեն ինչ անել, որ նրանք մնան ՀՀ-ում, և այսօր մենք նաև քննարկեցինք այս իրավիճակի հետ կապված հարցեր»: 

Ըստ վարչապետի՝ տարածաշրջանային և միջազգային իրավիճակը ևս քննարկման առանցքում է եղել: 

«Վարչապետ Միցոտակիսին պատմեցի Ադրբեջանի հետ խաղաղության հասնելու ուղղությամբ գործադրվող մեր ջանքերի մասին, պատմեցի նաև առկա խնդիրների մասին, ուր ենք մենք հասել և ինչ խնդիրներ կան հետագա առաջընթացը ապահովելու համար: Իհարկե տեղյակ եք, որ առաջիկայում սպասվում է Հայաստանի և Ադրբեջանի ԱԳ նախարարների հերթական հանդիպումը, և պետք է հույս ունենանք, որ այդ հանդիպման ընթացքում հնարավոր կլինի առաջընթաց արձանագրել»,- ասել է Փաշինյանը: