Հայաստանի քաղաքացիներն արդեն իրենց ընտրությունը կատարել են․ Ալեն Սիմոնյան

Հայաստանում արտահերթ ընտրություններն անթույլատրելի են։ Այս մասին ԱԺ-ում լրագրողների հետ զրույցում հայտարարել է ԱԺ նախագահ Ալեն Սիմոնյանը։

Ըստ նրա դա պատասխանատվությունից փախչել է։

«Հայաստանի քաղաքացիներն արդեն իրենց ընտրությունը կատարել են, նման հարց չի քննարկվում ու չի քննարկվել»,- ասել է Սիմոնյանը։

Նա նշել է․ «ՔՊ-ն վերցրել է պատասխանատվություն ու դա կտանի մինչև վերջ»։

ԱԺ նախագահը ասել է․ «Մենք առաքելություն ունենք՝ Հայաստան ու տարածաշրջան խաղաղություն բերելն է, դրանից հետո կգա ընտրությունների ժամանակը, մենք կներկայացնենք մեր տեսլականը, ընդդիմադիրներն՝ իրենց, ու Հայաստանի ժողովուրդը կրկին կգնա ազատ, արդար ընտրությունների ու կընտրի այն իշխանությանը, որին ճիշտ կգտնի»