Արևմուտքը կբացահայտի երրորդ երկրները, որոնք զենք են մատակարարելու Ուկրաինային․ Մակրոն
Արևմուտքը կբացահայտի երրորդ երկրները, որոնք կարող են ներգրավվել Ուկրաինային զինամթերք մատակարարելու գործում։ Այս մասին հայտարարել է Ֆրանսիայի նախագահ Էմանուել Մակրոնը։
«Գլխավոր առաջնահերթությունը զինամթերքն է, մենք պատրաստ ենք օգտագործել մեր բոլոր պաշարները այն երկրներից, որտեղ կան արկեր, և ցանկանում ենք բացահայտել երրորդ երկրները, որոնք կարող են ներգրավվել, ինչպես նաև գնալ երրորդ երկրներ՝ նոր լուծումների համար»,- ասել է նա Փարիզում Ուկրաինային աջակցելու նպատակով հանդիպման արդյունքներով կայացած մամուլի ասուլիսում։
Ավելի վաղ Չեխիայի նախագահ Պետր Պավելը հայտարարել էր, որ Պրահան Եվրամիությունից դուրս հնարավորություններ է գտել գնելու 800 հազար հրանոթ, որոնք երկիրը կարող է մի քանի շաբաթվա ընթացքում մատակարարել Ուկրաինային ԱՄՆ-ի, Գերմանիայի, Շվեդիայի կամ այլ երկրների ֆինանսական աջակցությամբ։
