Տեղյա՞կ եք, որ Ղրիմը ճանաչել եք Ռուսաստանի մաս․ հարց՝ Վահե Ղազարյանին

Տեղյա՞կ եք, որ Ղրիմը ճանաչել եք Ռուսաստանի մաս: Այս հարցը լրագրողներն այսօր՝ փետրվարի 26-ին, ԱԺ-ում ուղղեցին ՆԳ նախարար Վահե Ղազարյանին, ինչից նա անակնկալի եկավ:

«Տեղյակ չեմ, բայց կփորձեմ հասկանալ, թե ինչի մասին է խոսքը: Դու մի մոռացի, որ ես ՆԳ նախարար եմ, ոստիկանապետը չեմ: Եկեք չքաղաքականացնենք ոչ մի բան, ես չեմ սիրում քաղաքականության մեջ մտնենք համակարգը»,- ասաց նա: Լրագրողի դիտարկմանը, որ ինքը քաղաքական պաշտոն է զբաղեցնում, նա ասաց. «Ես կփորձեմ համակարգը քաղաքականությունից մի քիչ զերծ պահել»:

Հարցին՝ հիմա Ղրիմը Ռուսաստա՞ն է, թե՞ Ուկրաինա, Վահե Ղազարյանն ասաց. «Ցավդ տանեմ, բերեք էդ հարցը թողնենք»:

Նշենք, որ ՀՀ ՆԳՆ ոստիկանության կայքում Ղրիմը որպես ՌԴ մաս է նշված։