Ես ոչ մի անգամ իմ ընկերներից չեմ հրաժարվում․ Ղազարյանը՝ Փաշինյանի մասին
Հայաստանը տարածաշրջանի ամենաանվտանգ երկրներից մեկն է։ Այս մասին լրագրողների հետ զրույցում ասել է ՆԳ նախարար Վահե Ղազարյանը։
Լրագրողի հարցին՝ տեղյակ է արդյո՞ք, որ վարչապետի կնոջ՝ Աննա Հակոբյանին սպասարկող մեքենաները թաղանթապատված են, Ղազարյանը պատասխանեց․
«Տեղյակ չեմ, առաջին անգամ եմ լսում դրա մասին, որ տեղեկանամ միանշանակ քայլեր կձեռարկեմ»,- ասաց նա։
Հարցին, արդյոք կաշկանդվա՞ծ է Փաշինյանի եւ նրա ընտանիքի վերաբերյալ հարցերից, Ղազարյանը պատասխանեց․ «Ես ոչ մեկից կաշկանդված չեմ, ես տեղյակ չեմ դրանից»։
Հարցին, թե Նիկոլ Փաշինյանի հետ ունեցած ընկերական հարաբերություններն իրեն չեն կաշկանդո՞ւմ, նախարարը պատասխանեց․ «Ես ոչ մի անգամ իմ ընկերներից չեմ հրաժարվում։ Լավ է, թե վատ է, դուք տվեք գնահատականը։ Ես հիմա եւ ունեմ աշխատանքային ընկերներ, եւ ունեմ մանկության ընկերներ»։
