Խաղաղության պատմական հնարավորություն է ստեղծվել․ Թուրքիայի ԱԳՆ
Պատերազմից հետո Հարավային Կովկասում խաղաղության պատմական հնարավորություն է ստեղծվել։ Այս մասին հայտարարել է Թուրքիայի ԱԳՆ Հարավային Կովկասի, Կենտրոնական Ասիայի և Արևելյան Եվրոպայի գլխավոր վարչության ղեկավար Մեհմեթ Սամսարը՝ Եվրասիական տնտեսական 27-րդ գագաթնաժողովում ունեցած ելույթի ժամանակ։ Տեղեկությունը փոխանցում են ադրբեջանական լրատվամիջոցները։
Նա նշել է, որ այս հնարավորությունից օգտվելը մեր տարածաշրջանի համար նոր դարաշրջանի սկիզբ կլինի:
«Այս համատեքստում մենք ակնկալում ենք Ադրբեջանի և Հայաստանի միջև խաղաղության համաձայնագրի շուտափույթ ստորագրում։ Մենք կարծում ենք, որ Ադրբեջանի և Հայաստանի միջև հարաբերությունների կարգավորման գործընթացի ավարտով ոչ մի խոչընդոտ չի լինի մեր երկրի և Հայաստանի միջև հարաբերությունների կարգավորման համար»,- ասել է նա։
