ՌԴ-ում ձերբակալված ադրբեջանցին 44-օրյա պատերազմում գլխատել է տարեց հայ տղամարդուն․ մանրամասներ
ՌԴ-ում ձերբակալված ադրբեջանցին 44-օրյա պատերազմի ժամանակ տարեց հայ տղամարդուն գլխատողներից մեկն է։
Radar Armenia-ի տեղեկություններով՝ ՌԴ-ում ձերբակալված ադրբեջանցին ոչ միայն 2020թ. սադրում էր Մոսկվայում հայերի նկատմամբ հարձակումները, այլև 44-օրյա պատերազմի ժամանակ տարեց հայ տղամարդուն գլխատողներից մեկն է։
Նաև նրա մասնակցությամբ տեսանյութեր կան, որտեղ ԼՂ-ում հայերի լքված բնակարանների գույքն է կամ ոչնչացնում կամ գողանում։
Քյամիլ Զեյնալլին սոցցանցերում հայտնել է, որ Հայաստանն իր նկատմամբ միջազգային հետախուզում է հայտարարել դեռևս անցած մայիսին․ վաղը նա կկանգնի ՌԴ դատարանի առջև:
Ձերբակալման պաշտոնական պատճառների մասին չի հաղորդվում։
Ավելի վաղ հայտնել էինք, որ Մոսկվայում Հայաստանի հարցմամբ ձերբակալվել է ֆիթնես մարզիչ Քյամիլ Զեյնալլին։
