Բիթքոյնի գինը 2021 թվականից ի վեր առաջին անգամ գերազանցել է 50 հազար դոլարը
Փետրվարի 12-ի սակարկությունների ժամանակ բիթքոյնի փոխարժեքը 2021 թվականից ի վեր առաջին անգամ գերազանցել է 50 հազար դոլարի նշագիծը, գրում է РБК-ն՝ վկայակոչելով Binance բորսայի տվյալները։ Այս լուրը գրելու պահին բիթքոյնի գինը նվազել էր մինչև 49,9 հազար դոլար, գրում է Meduza–ն:
Ինչպես հիշեցնում է հրատարակությունը, բիթքոյնի փոխարժեքն այս տարի իր առավելագույնին հասավ հունվարի 11-ին, երբ ԱՄՆ Արժեթղթերի և բորսաների հանձնաժողովը հավանություն տվեց բորսայական ֆոնդերի (ETFs) գործարկմանը, որոնք ուղղակիորեն ներդրումներ են կատարում բիթքոյնում: Այն ժամանակ բիթքոյնն արժեր 48,9 հազար դոլար։
Կրիպտոարժույթի պատմական առավելագույնը հասել է 2021 թվականի հոկտեմբերին, երբ բիթքոյնի արժեքը գերազանցել էր 66 հազար դոլարը։
