Ռաիսին առաջարկել է Իսրայելին հեռացնել ՄԱԿ-ից

Իրանի նախագահ Էբրահիմ Ռաիսին առաջարկել է Իսրայելին հեռացնել ՄԱԿ-ից։ Այս մասին նա ասել է կիրակի օրը՝ ելույթ ունենալով Թեհրանում Իսլամական հեղափոխության հաղթանակի 45-րդ տարեդարձի առթիվ կազմակերպված զանգվածային ցույցի ժամանա, հաղորդում է IRNA գործակալությունը:

«Մեր առաջարկն է՝ հեռացնել Սիոնիստական ​​ռեժիմը ՄԱԿ-ից»,- հավելել է նա՝ ասելով, որ Իսրայելը խախտել է 400 հայտարարություն, բանաձև և միջազգային կազմակերպությունների կողմից ձեռնարկված միջոցներ։

Պաղեստինի հարցը բնութագրելով որպես «մարդկության գլխավոր առաջնահերթություն»՝ Իրանի նախագահը նշել է, որ կառավարությունները պետք է խզեն բոլոր տնտեսական հարաբերություններն ու փոխգործակցությունը Սիոնիստական ռեժիմի հետ՝ հանցագործություններ կատարելուց զերծ պահելու համար։