Թրամփը չի մտահոգվում ՆԱՏՕ-ի դեմ Ռուսաստանի հնարավոր սադրանքներով․ Axios

ԱՄՆ նախագահ Դոնալդ Թրամփը Axios-ին տված հարցազրույցում հայտարարել է, որ մտահոգված չէ ՆԱՏՕ-ի երկրների դեմ Ռուսաստանի հնարավոր սադրանքներով։

Նա ԿՀՎ տնօրեն Ջոն Ռատկլիֆի Մոսկվա կատարած այցն անվանել է «սովորական գործնական» և հերքել տեղեկությունները, թե այցի նպատակը Ռուսաստանին ՆԱՏՕ-ի անդամ երկրի վրա հնարավոր հարձակումից նախազգուշացնելն էր։

Օգոստոսի 25-ին Ռատկլիֆը Մոսկվայում հանդիպել է Ռուսաստանի արտաքին հետախուզության ծառայության ղեկավար Սերգեյ Նարիշկինի հետ։ Վերջինս հաստատել է բանակցությունների փաստը՝ դրանք անվանելով սովորական աշխատանքային շփումներ։

Ավելի վաղ եվրոպացի առաջնորդները մտահոգություն էին հայտնել, որ Մոսկվան կարող է սահմանափակ ռազմական գործողությունների միջոցով փորձարկել ՆԱՏՕ-ի վճռականությունը։