Հիմա մենք բարձրացնում ենք մեր պատրաստակամությունը. դա պետք է անեն բոլորը. Էստոնիայի ՊՆ
Էստոնիան, չնայած ամերիկացի լրագրող Թակեր Կառլսոնին տված հարցազրույցում ՌԴ նախագահ Վլադիմիր Պուտինի հայտարարություններին, նախատեսում է շարունակել պաշտպանական գիծ ստեղծել, որի շրջանակներում մտադիր է 600 բունկեր կառուցել Ռուսաստանի Դաշնության հետ սահմանին։ Այս մասին DPA գործակալությանը հայտնել է հանրապետության պաշտպանության նախարար Հաննո Պևկուրը։
«Մենք չենք փոխի մեր ծրագրերը միայն այն պատճառով, որ Պուտինը հարցազրույց է տվել լրագրողին»,- ասել է նա։
«Հիմա մենք բարձրացնում ենք մեր պատրաստակամությունը: Եվ դա պետք է անեն բոլորը: Ոչ միայն այստեղ՝ Էստոնիայում, այլ բոլորը»,- ասել է պաշտպանության նախարարության ղեկավարը և նշել՝ սա այն է, ինչ մենք կարող ենք անել խաղաղ ժամանակ: Նա հավելել է, որ իր երկիրը նաև զինամթերք, զենք և տեխնիկա է գնելու։
Հիշեցնենք՝ Պուտինը Կարլսոնին տված հարցազրույցում ասել է, որ Ռուսաստանը տարածքային պահանջներ չունի Լեհաստանի, Լատվիայի կամ մայրցամաքի այլ երկրների նկատմամբ։
