Հուսիները Կարմիր ծովում հարձակվել են ամերիկյան USS Gravely ռազմանավի վրա

Եմենի հյուսիսում իշխող «Անսար Ալլահ» (հուսիներ) շիա շարժումը չորեքշաբթի հայտարարել է, որ Կարմիր ծովում ամերիկյան USS Gravely ռազմանավը նոր հարձակման թիրախ է դարձել, ասել է հուսիների ռազմական խոսնակ Յահյա Սարիան։

«Մեր ռազմածովային ուժերը համապատասխան նավային հրթիռներ են արձակել Կարմիր ծովում ամերիկյան USS Gravely Էսկադրային ականակրի ուղղությամբ», - ասել է նա «Անսար Ալլահ»-ի կողմից վերահսկվող «Ալ Մասիրա» հեռուստաալիքի եթերում:

Հուսիների ռազմական խոսնակը նշել է, որ «ամերիկյան և բրիտանական բոլոր ռազմանավերը, որոնք մասնակցել են մեր երկրի դեմ ագրեսիային, ճանաչվել են որպես մեր զինված ուժերի թիրախ»:

Նա կրկին ընդգծել է, որ Եմենի զինված ուժերը կշարունակեն արգելափակել Կարմիր և Արաբական ծովերով դեպի Իսրայելի նավահանգիստներ մեկնող նավերը, մինչև Գազայի հատվածում ռազմական գործողությունները չդադարեցվեն։

Հունվարի 12-ից ԱՄՆ-ն և Մեծ Բրիտանիան հարվածներ են հասցնում հուսիների դիրքերին Եմենի տարբեր հատվածներում՝ դադարեցնելու նրանց հարձակումները Կարմիր ծովում և Բաբ ալ-Մանդեբի նեղուցում Իսրայելի հետ կապված նավերի վրա: