ԼՈՒՍԱՆԿԱՐՆԵՐ. Ռուսաստանը ստեղծել է զորքերի քողարկման նոր տեխնոլոգիա. Fox News

Ռուսաստանը մշակել և տարածել է իր զորքերի համար քողարկման նոր տեխնոլոգիա, որը շատերն անվանել են «անտեսանելի թիկնոց»: Այս մասին գրում է Fox News-ը։

 «Այս նոր «անտեսանելի թիկնոցը» ռուսական և նախկինում խորհրդային «դիմակավորման» դոկտրինի մի մասն է, որը ռուսական ռազմական դոկտրինի հիմնարար դրույթն է»,- նշել է Ռազմական հետախուզության ռազմավարական վերլուծաբան Ռեբեկա Քոֆլերը։ Նա նաև մանրամասներ է հայտնել նոր տեխնոլոգիայից։ Նշվում է, որ ամբողջական կոստյումը ներառում է գլխարկ և «հատուկ ակնոցներ», ինչպես նաև ապահովում է արդյունավետ ծածկույթ այն օգտագործող զինվորից մինչև երկու մետր հեռավորության վրա:

«Նյութը, որից պատրաստված է կոստյումը, ունի երեք շերտ. առաջինը` ներքինը,  արտացոլում է օգտագործողի մարմնի ինֆրակարմիր ճառագայթումը. երկրորդը միջինն է, որը կլանում է այդ ճառագայթումը, իսկ երրորդ` արտաքին, շերտն արտացոլում է արտաքին միջավայրից ինֆրակարմիր ճառագայթումը»,- պարզաբանել է փորձագետը։

«Կա պատճառ, որ ռուսները ցանկանում են, որ մենք իմանանք, որ իրենք դա ունեն», - ասել է Քոֆլերը,- «Դա չի նշանակում, որ նրանք ստում են»: