ԱՄՆ նախագահ Ջո Բայդենի վարչակազմը հավանություն է տվել Թուրքիային F-16 կործանիչներ վաճառելուն այն բանից հետո, երբ երկրի նախագահ Ռեջեփ Թայիփ Էրդողանը համաձայնագիր է ստորագրել Շվեդիայի՝ ՆԱՏՕ-ին միանալու մասին, հայտնում է CNN-ը։

Պետդեպարտամենտը Կոնգրեսին ծանուցել է դրա հաստատման մասին: 23 միլիարդ դոլար արժողությամբ վաճառքի շրջանակներում Թուրքիան կստանա 40 նոր F-16 ինքնաթիռ և արդիականացված սարքավորումներ ևս 79 ինքնաթիռների համար։

CNN-ի փոխանցմամբ՝ F-16-ների վաճառքը Բայդենի վարչակազմի առանցքային լծակներից մեկն էր Թուրքիայի վրա ճնշում գործադրելու համար։ 2023 թվականի փետրվարին ԱՄՆ պետքարտուղար Էնթոնի Բլինկենի՝ Թուրքիա կատարած այցի ժամանակ Էրդողանը «շեշտել է ինքնաթիռների տեղափոխման անհրաժեշտությունը» նախքան դաշինքին Շվեդիայի մուտքը հաստատելը, ինչին Բլինկենը պատասխանել է, որ Կոնգրեսի անդամները չեն հաստատի վաճառքը։