Ամերիկյան զորքերը շուտով կարող են լքել Սիրիան. Foreign Policy

Ամերիկյան իշխանությունները դիտարկում են Սիրիայից իրենց զորքերի ամբողջական դուրսբերման հարցը։ Ինչպես գրում է Foreign Policy (FP) ամսագիրը, վկայակոչելով Պենտագոնի և Պետդեպարտամենտի չորս աղբյուրներ, այս հարցի վերաբերյալ վերջնական որոշում դեռ չի կայացվել, սակայն, ըստ հրատարակության զրուցակիցների, Սպիտակ տունն այլևս շահագրգռված չէ երկարաձգել  առաքելության ժամկետը, գրում է RTVI–ը:

FP-ի աղբյուրներն ասում են, որ «Սպիտակ տունն այլևս ներդրումներ չի կատարում իր առաքելությունը պահպանելու համար, որը նա համարում է ոչ կենսունակ», քանի որ Բայդենի վարչակազմը վերանայում է ԱՄՆ ռազմական քաղաքականությունը տարածաշրջանում Իսրայելի վրա ՀԱՄԱՍ–ի հարձակումից հետո:

Ինչպես նշում է հրատարակությունը, Սիրիայից ամերիկյան զորքերի հնարավոր դուրսբերումը «կհրահրի քաոս և ահաբեկչական սպառնալիքների արագ աճ» և կդառնա «նվեր» «Իսլամական պետության»համար։ Չնայած զգալի թուլացմանը, խումբը, իբր, պատրաստ է վերածննդի Սիրիայում, եթե հնարավորություն ունենա:

Հրատարակության համաձայն՝ Սիրիայում մոտ 900 ամերիկացի զինծառայող կա, և Միացյալ Նահանգները կարևոր դեր է խաղում երկրի հյուսիս-արևելքում ԴԱԻՇ-ին զսպելու գործում՝ համագործակցելով Սիրիայի դեմոկրատական ​​ուժերի (SDF) հետ։

Պենտագոնի անանուն բարձրաստիճան պաշտոնյան այն տեղեկությունը, թե ԱՄՆ-ն դիտարկում է իր զորքերը Սիրիայից դուրս բերելու հնարավորությունը , անվանել է ոչ հավաստի։