Չարլզ III-ը կտեղափոխվի հիվանդանոց. նա ժամանակավորապես կդադարեցնի հանրային պարտականությունների կատարումը
Մեծ Բրիտանիայի թագավոր Չարլզ III-ը հաջորդ շաբաթ բժշկական միջամտության կենթարկվի։ Այդ կապակցությամբ նա ժամանակավորապես կդադարեցնի հանրային պարտականությունների կատարումը։ Այս մասին ասվում է Բուքինգհեմյան պալատի հայտարարության մեջ։
«Ինչպես ամեն տարի հազարավոր տղամարդկանց, թագավորին նույնպես պետք էր բուժում ընդլայնված շագանակագեղձի համար: Նորին Մեծության մոտ նորագոյացությունը բարորակ է, և նա հաջորդ շաբաթ կգնա հիվանդանոց..: Թագավորի հանրային պարտականությունները կհետաձգվեն կարճ ժամանակով նրա ապաքինման համար»,- նշված է հայտարարության մեջ։
Չարլզ III-ը 75 տարեկան է։ Նա գահ է բարձրացել 2022 թվականի սեպտեմբերին՝ մոր՝ Եղիսաբեթ II-ի (1926-2022) մահից հետո։
