ԱՄՆ-ում ռազմական ուղղաթիռ Է կործանվել

ԱՄՆ ռազմածովային ուժերի (ՌԾՈՒ) 41-րդ Helicopter Maritime Strike էսկադրիլիայից MH-60R ուղղաթիռը կործանվել է Կալիֆոռնիայում՝ Սան Դիեգոյից ոչ հեռու, ուսումնական թռիչքի ժամանակ: Այս մասին հայտարարել է Կորոնադոյի Հյուսիսային կղզու ռազմածովային ուժերի ավիաբազայի հրամանատարի ներկայացուցիչ Բեթ Թիչը, հաղորդում է NBC News-ը։ 

Նրա խոսքով՝ ուղղաթիռն ընկել է Սան Դիեգոյի ծոցում «սովորական մարզումների ժամանակ» ժամը 18:40-ի սահմաններում (Երևանի ժամանակով 6:40-ին): Ինքնաթիռում եղել է անձնակազմի վեց անդամ, նրանք ողջ են մնացել, և դեպքի վայրում գտնվող փրկարարական նավը բոլորին ափ է հասցրել:

«Այս պահին ողջ անձնակազմը բուժզննում է անցնում։ Հետաքննություն է սկսվել աղետի պատճառները պարզելու համար»,- ասել է Տիչը։

Ավելի վաղ Հարավային Դակոտայի Էլսվորթ ավիաբազայում վայրէջքի փորձի ժամանակ կործանվել էր B-1B Lancer ռազմավարական ռմբակոծիչը: Աղետի պահին նա ուսումնական առաքելություն էր իրականացնում։ Ինքնաթիռում եղել է անձնակազմի չորս անդամ, բոլորը բարեհաջող կատապուլտվել են։