Շոյգուն հայտնել է` քանի մարդ է կորցրել Ուկրաինայի Զինված ուժերը
2023 թվականին Ուկրաինայի Զինված ուժերը կորցրել են ավելի քան 215 հազար մարդ: Այս մասին հայտարարել է Ռուսաստանի Դաշնության պաշտպանության նախարար Սերգեյ Շոյգուն:
«Ռուսական զորքերի խմբերը մեթոդաբանորեն նվազեցնում են Ուկրաինայի զինված ուժերի մարտական ներուժը: Անցած տարվա ընթացքում հակառակորդի կորուստները գերազանցել են 215 հազար մարդ և 28 հազար միավոր զենք ցուցանիշները»,- ասել է Շոյգուն Ռուսաստանի զինված ուժերի ղեկավարության հետ նիստի ժամանակ:
Նա նշել է, որ Ռուսական բանակը կշարունակի «հետևողականորեն հասնել հատուկ ռազմական գործողության նպատակներին»։
