Որևէ մեկի հին չափորոշիչներով գովազդը չի մնալու․ քաղաքապետարանից պարզաբանում են
Auroranews-ը զանգեր է ստանում տնտեսվարողներից, որ իրենք օրենքի տառին համապատասխան հանել են իրենց գովազդային վահանակները, բայց կան այնպիսիները, որ չեն հանել, անգամ չեն էլ պատրաստվում:
Երեւան քաղաքի գովազդային վահանակների հետ կապված Auroranews-ը կապ հաստատեց Քաղաքապետարան:
Քաղաքապետարանից մեզ փոխանցեցին, որ բոլորի նկատմամաբ հավասար մոտեցում է ցուցաբերվելու միանշանակ, որոշ տնտեսավարողներ դեռ չեն հասցրել ապամոնտաժել, բայց պարտավորվել են:
«Իսկ որոնք որ դեռ չեն ապամոնտաժել եւ չեն էլ պատրաստվում, համայնքը սեփական միջոցներով է պատրաստվում ապամոնտաժել, կիրառելով վարչական պատասխանատվության մեխանիզմենր»,- նշեցին Քաղաքապետարանից:
Քաղաքապետերանը նաեւ հաշվի է առել, որ տնտեսվարողները կարող էին չհասցնել գովազդի ապամոնտաժման աշխատանքները, կապված ամանորյան տոների հետ:
«Մոտեցումը հետեւյալն է. որեւէ մեկի հին չափորոշիչներով գովազդը չի մնալու»,- նշեցին Քաղաքապետարանից:
