Իսրայելի պաշտպանության նախարար Յոավ Գալանտը չի բացառել, որ Լիբանանի դեմ կարող են նույն ռազմական մեթոդները կիրառվել, որոնք այսօր ձեռնարկվում են Գազայում։ Այս մասին նա ասել է ամերիկյան Wall Street Journal-ի հետ զրույցում:

««Հեզբոլա»-ն տեսնում է, թե ինչ է կատարվում Գազայի հատվածում։ Նրանք գիտեն, որ մենք կարող ենք նույնը կրկնել նաև Բերյութում», - ամերիկյան պարբերականի հետ զրույցում նշել է Իսրայելի պաշտպանության նախարարը։

Գալանտը նաև ասել է, թե Լիբանանի հետ պատերազմը՝ «Իսրայելի առաջնահերթությունների թվում չէ»։