ԼՈՒՍԱՆԿԱՐՆԵՐ. Դոնեցկում հիվանդանոց է հրթիռակոծվել
Դոնեցկի հիվանդանոցներից մեկի հրթիռակոծության ժամանակ մեկ մարդ վիրավորվել է: Այս մասին հայտնում է ՏԱՍՍ գործակալությունը:
Հաղորդվում է, որ Դոնեցկում շաբաթ երեկոյան հրթիռակոծվել է քաղաքային թիվ 6 հիվանդանոցը։
Գործակալությունը, վկայակոչելով արտակարգ իրավիճակների ծառայությունների աղբյուրները, հայտնում է մեկ տուժածի մասին։
Ռուսական լրատվամիջոցների փոխանցմամբ՝ հրետակոծության հետեւանքով վնասվել է շենքի ապակեպատումն ու ճակատը, վնասվել են պատուհանների շրջանակներն ու դռները։ Հրապարակվել են լուսանկարներ, որոնք ցույց են տալիս հարձակման հետևանքները։