ՏԵՍԱՆՅՈՒԹ․ Չելյաբինսկում ինքնաթիռը վայրէջք կատարելիս բախվել է ձնակույտի
Չելյաբինսկի օդանավակայանում վայրէջք կատարելիս «Աերոֆլոտ»-ի ինքնաթիռը բախվել է ձնակույտին։ Այս մասին հայտնում են ԶԼՄ-ները:
Ուղևորներին բաց չեն թողել ավելի քան երկու ժամ։ Ուժեղ ձնաբքի պատճառով Չելյաբինսկում և Տյումենում թռիչքները զանգվածաբար հետաձգվում են: Ուշացումները հասնում են 12 ժամվա:
Ընկերությունից հայտնել են, որ օդային նավահանգիստը բավարար մաքրություն չի իրականացրել, իսկ օդանավը ստիպված են եղել հանել քարշակով։ Այժմ ինքնաթիռն արդեն հակառակ չվերթով մեկնել է Մոսկվա։
Նշվում է նաև, որ Չելյաբինսկում ձնաբքի պատճառով դպրոցներում դասերը չեղյալ են հայտարարվել։
Այսօր ձնաբուք է եղել Եկատերինբուրգում, Չելյաբինսկում, Տյումենում, որտեղ առավոտյան խցանումները հասել են 10 միավորի։ Որոշ մեքենաներ հաղթահարում են վատ եղանակը, իսկ որոշները մնում են ձյան ծածկույթի տակ։
Միևնույն ժամանակ, Ուրալը ևս դիմավորում է ձմեռային տարերքը։ Օդանավակայաններում թռիչքների զանգվածային հետաձգում կա:
