«Արտերկրում զորակոչային տարիքի ուկրաինացիներին զրկե՛լ որոշ արտոնություններից»․ Պոդոլյակ

Արտերկրում զորակոչային տարիքի ուկրաինացիներին առաջարկում են զրկել օգնությունից կամ կացության իրավունքից: Այս մասին ասել է Ուկրաինայի նախագահի խորհրդական Միխայիլ Պոդոլյակը, փոխանցում են ուկրաինական լրատվամիջոցները։

Նա նշել է, որ պաշտպանում է «արտերկիր մեկնած տղամարդկանց մոբիլիզացիայի» գաղափարը։

Նրա խոսքով՝ դրա համար պետք է խորհրդակցություններ լինեն այլ երկրների կառավարությունների հետ։ Նա նաև նշել է, որ նման տղամարդկանց կարելի է զրկել արտասահմանում բնակվող «փախստականների համար նախատեսված արտոնություններից»"

Հիշեցնենք, որ միաժամանակ Գերմանիայի արդարադատության նախարարը հայտարարել է, որ Գերմանիան ուկրաինացիներին չի ստիպի իրենց կամքին հակառակ զորակոչվել կամ զինվորական ծառայություն անցնել: