Տյումեն-Ադլեր գնացքում 12-ամյա աղջիկ է մահացել. մոտ 30 երեխա հոսպիտալացվել է
Տյումեն-Ադլեր գնացքում 12-ամյա աղջիկ է մահացել. Սարատովի մարզի ինֆեկցիոն հիվանդանոցում հոսպիտալացվել է ավելի քան 30 երեխա։
Ինչպես հայտնում է 112-ը, ճամբարից վերադառնում էր 125 երեխաներից բաղկացած խումբ։ Ճանապարհին մի քանիսի մոտ անմիջապես ի հայտ են եկել սուր շնչառական վիրուսային վարակի ախտանիշներ, և նրանց ջերմաստիճանը բարձրացել է։ Պենզայի շրջանում 12-ամյա Վերոնիկա Յու.-ն խիստ հիվանդացել է։ Խմբին ուղեկցող երկու բժիշկ և բուժքույր փորձել են օգնություն ցուցաբերել, սակայն ապարդյուն՝ աղջիկը կորցրել է գիտակցությունը և մահացել։
Այժմ Քննչական կոմիտեն և դատախազությունը ուսումնասիրում են իրավիճակը։ Նրանք, ովքեր զերծ են մնացել վարակից, շարունակում են իրենց ճանապարհը դեպի տուն։
