ՏԵՍԱՆՅՈՒԹ. Խոշոր հրդեհ՝ Երևանի հայտնի խանութներից մեկում. կա տուժած

Այսօր խոշոր հրդեհ է տեղի ունեցել Երևանում: Auroranews-ը ահազանգ է ստացել:

Ժամը 13:30-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Տիգրան Մեծի պողոտայի թիվ 36 շենքի առաջին հարկում գտնվող խանութում:  

Դեպքի վայր են ժամանել Երևանի թիվ 3-րդ և 8-րդ հրշեջ-փրկարարական ջոկատներից,  մեծ թվով պարեկներ ոչ միայն սահմանազատել են տարածքը, այլ նաև հրշեջների հետ աշխատանքներ են կատարում, պայքարում են կրակի տարածման դեմ: Ըստ նախնական տեղեկությունների՝ 1 անձ, որը Իրանի Իսլամական Հանրապետության քաղաքացի է, տեղափոխել են հիվանդանոց: 

Այլ մանրմասներ չի հաղորդվում: